Teistiméireachtaí ó Thuismitheoirí & Stair Feachtais
Cad é an scéal ar an talamh?
D’éiligh gach bunscoil / meánscoil a bunaíodh ó 1970 feachtas áitiúil. Uaireanta bhí neamhshuim léirithe ag an Roinn Oideachais. Go rialta bhí naimhdeas oscailte léirithe. Tógadh roinnt mhaith cásanna chun na hArd-Chúirte.
Níl aon chás ann inar oscail an Roinn scoil lán-Ghaeilge gan fheachtas áitiúil suntasach.
Co. Lú
“Chaith m’iníon 13 bliana in oideachas lán-Ghaeilge agus ansin cuireadh iallach uirthi an séú bliain a dhéanamh i mBéarla agus gach rud a athfhoghlaim i mBéarla toisc gur dhún an Príomhoide nua an t-aonad.”ET
“Caithfidh mo 2 pháistí an baile a fhágáil gach maidin ag 07:00 chun bus a fháil chun iad a thabhairt ar scoil dhá chontae ar shiúl mar gheall gur dhún BOO Lú-Mí an t-aonad lán-Ghaeilge.”MC
Droimeanach, Baile Átha Cliath 12
“Is é ceantar Bhaile Átha Cliath 10-12 an t-aon limistéar den phríomhchathair gan son ghaelscoil. Fiú más féidir le tuismitheoirí a gcuid páistí a iompar go BÁC 8 nó BÁC 20, ní féidir leo áit a fháil toisc go bhfuil na scoileanna sin chomh lán. Bhunaíomar ár naíonra féin roinnt blianta siar agus tá sé lán. Dhiúltaigh na bunscoileanna áitiúla smaoineamh ar ár bpáistí a mhúineadh trí Ghaeilge. Ní fiú polasaithe Gaeilge an Stáit nuair a dhéantar neamhaird den éileamh ar Oideachas lán-Ghaeilge.”
HN
“Níl aon ghaelscoil ná gaelcholáiste áitiúil inár gceantar. Ní raibh cead agam mo thacaíocht a dhearbhú do gaelcholáiste nua i mBaile Átha Cliath 6. Tá an duine is sine agam ar liosta feithimh do spás i ngaelcholáiste i mBaile Átha Cliath 14. Níl aon spás in áit ar bith.”GM
Iarthar Chorcaí
“Tá tuismitheoirí agus leanaí Iarthar Chorcaí agus Oileán Chléire ag iarraidh go mbunófaí gaelcholáiste chun freastal ar an líon daltaí gaelscoileanna atá ag ardú i gcónaí. Níl aon chiall leis, tar éis 8 mbliana de ghaelscoileanna i nDroichead na Bandan, Cloch na Coillte nó sa Sciobairín, nach bhfuil aon rogha acu leanúint lena gcuid oideachais trí Ghaeilge.”TÓD
Baile Átha Cliath 6
“Freastalaíonn mo pháistí ar cheann den 6 ghaelscoil a fhreastalaíonn ar Bhaile Átha Cliath 2/4/6/8. Tá gach ceann de na 43 meánscoil sa cheantar seo ag múineadh trí mheán an Bhéarla. Tá an Roinn Oideachais díreach tar éis an 44ú scoil Bhéarla a cheadú agus dhiúltaigh siad d’iarratas ar ghaelcholáiste. Cén chaoi a bhfuil sé ceart nach bhfuil Gaelcholáiste ag daltaí Bhaile Átha Cliath 2/4/6/8 gaelscoileanna?”SÓhA
Co Lú
“Thóg sé 16 bliana d’fheachtasaíocht gaelcholáiste a fháil do Chontae Lú, rud a theastaigh ó thuismitheoirí, tar éis roinnt geallúintí bréagacha agus geallúintí briste. Fiú nuair a fógraíodh an ceadú mhothaigh sé go raibh sé ag dul i méid toisc gur dhiúltaigh oifigigh na Roinne aon chúnamh a sholáthar chun áitribh oiriúnacha a aimsiú agus a fháil do na daltaí agus ansin pinginí a thairiscint don togra. In ainneoin gur iarr tuismitheoirí cabhair ó chomhlachtaí pátrún oideachais éagsúla chun áitribh ionchasacha a aithint, dhiúltaigh gach duine acu cúnamh a thabhairt ar bhealach ar bith. Neartaigh sé seo tuiscint na dtuismitheoirí go measann gairmithe oideachais uile an Stáit go hoifigiúil gur crá croí iad chun soláthar áitiúil lán-Ghaeilge a iarraidh dá leanaí.”AK
Léigh níos mó anseo